تزآحمـ’بالضمير همومـ,,~}

السلآمـ عليكمـ ~}

تزاحم بالضمير هموم وقلبٍ حايرٍ مكسـور
ولا ينفع بـقلب المنكسـر كثـرة جبايرهـا
تلاطم بالضلوع العوج موج عاتيٍ وبحـور
ولا من مركبٍ وشراع يامـن ثـار ثايرهـا
انا مالي بهالدنيا سوى قلب وقلم وشعور
صديقٍ صادقٍ ياقف إليا صكـت معابرهـا
وإليا ضاعوا بلايها حياة من نكـد وعثـور
انا مطرودها ملحوق مـن كثـرة عثايرهـا
انا قلبي دليلي في زمـان مدبـر مسعـور
كبير مايهمه لـو تحـاول بـه صغايرهـا
الملم بالقلم اشتات روحي في ورق مسطور
وانثر كل معنى في ضمير اللـي يناظرهـا
لي احساسٍ يصورنا يحوم بداخلي ويثـور
صدوقٍ و أعذب الأشعار ماتصدق مشاعرهـا
صديقي صعبٍ اختاره بعالم بالألـم يمـور
حسود وجاهل وراعي مصالح مع مكابرهـا
ياكثر اللي تضحك لي وقلبه بالمرض مغمور
على وجهه يبين اللي يخفي فـي سرايرهـا
صديقي مأمني ياقف معي بالخير ولا شرور
ولا يبيع الذي بيني وبيـنه فعـل غادرهـا
ولا ينسى ليالينا ولا هو جاحـد ومغـرور
مواقفنـا القديمـه دايـم بالخيـر باكرهـا
ياليت الروح بحمول المصايب والعذاب يثور
دخيلك شيلها يآمَآ نوينا اللـي يثورهـا
عنينا من عنى الدنيا متاهات وشقى ودهور
ولو ان الجبـال تشيلهـا ماظـن تقدرهـا
اذا بظفرك طرفت العين لاتدور على دكتـور
ترى ماتحرق النيران غير اللـي يجاورهـا
لو الدنيا على كيفي اسوقه ولو تجي بعسور
ولكن ماعلى كيفه نغامـر فـي مخاطرهـا
انا وقتي غدر بي مالي حظ بالزمن عبـور
سنين يقطعه ماقسـاه ماترحـم مسافرهـا
ناس كنها تقضي حياته في وسـط تنـور
وناس مـادرت عنـه ولا ذاقـت مرايرهـا
انا كلي عذر واللي شكى من هالزمن معذور
وانا ادري جرح روحي زاد من كثرة تعذرها
تسنعنا السعاده يوم صرنا في فرح وسرور
نحاول نخفي العلـه وتفضحنـا عبايرهـا
على الله كل شيء يسير وايام الزمن تـدور
متى تضحك لنا الدنيا عقب ماشان ناظرهـا

[ندعوك للتسجيل في المنتدى أو التعريف بنفسك لمعاينة هذا الرابط]

في حفظ الله ~}